حفله زفاف بوطني؟؟؟؟؟

من طرف **ضايج** الأربعاء يناير 17, 2007 5:47 pm

الوطــــن داعينة على حفلة زفــاف ولودعانة الوطن ياهو اليعتــذر
بيهة راحة بس على دك الطبول وبيهة راحة للوطن توفــي النـــذر
وشفنة وادم بالعرس موش اهل بيت وجوه غبرة من الحقد ماتنحزر
وذولة كالـــو باجرنــزف العروس علمود الركـــص يبقة ويستمــــر
شافـــوالعريس غشمـــة ومايريــد غيــرالاستقـــرارويحــب الستـــر
وقشمــروبحجاية من دفتروعـــود وصــدك المسكين كالولة أنتضــر
وبــدوالشربــت علـى عقد الزواج وخبط لون الورق وي لون الحبر
وضاع تاريخ المـــهروســم الشهـــود وقــــع المختارزفة بلا سعـــر
سنين مرت ماسكت صوت الدفوف صارت اخبارالعــرس ما تنستر
ويبست الحنه على الجفوف الزغار الحنه كامت بل المصافح تنكسر
ولئــجرالبدلـــة اجـــة يريـــد الايجار صاراجــارالبــدلة ملياروكسر
ودورو بالغرفه ماهيــــة العروس ولكوعلى الكنتـــورمخطوطة شعر
ياشمـــرلاتلبس ثياب الحسيــن الحســين معروف النسب وانت الشمر
اخوكم .....ضايج

حفله زفاف بوطني؟؟؟؟؟ 74249555