سوء الفهم بين الاصدقاء (على سالفه تعوفني علمود صاحبتك)

طبعا موضوعنه اليوم كلش اعتيادي ودائما يصير بين الاصدقاء وخاصه الي علاقتهم قويه
خلونه نرجع بذكرياتنه شويه ليوره.......دير بالك اكو عامود وراك مو ترجع هوايه
المهم
جان اكو شله مال اصدقاء كلش
فهمه كلهم متعرفين على بنات وهمه هم صديقات طبعا بنفس المدرسه وكل طلعاتهم وطباتهم سويه
طبعا يتورط الي يطلع ويه صاحبته وحده لان الربع يزفوه خوش زفه على ابو شنو تعوفنه وتطلع وحدك
وهمه السرسريه اني مسوي السياره تكسي علمودهم
خل اعيركم شويه بيه
اي المهم تعرفون انتو الاصدقاء بيناتهم اذا يظلون يطبون ويطلعون سويه واحد يكوم يغار عالى الاخ تكول مرته هوه مو غيره بس حبا بيه لان دائما سويه ميكدرون يفاركون جهرته
طبعا مرات تصير اشياء يصير بيهه سوء فهم وهذا الجزء الاول من موضوعنه
يعني من واحد يحجي بالتلفون ويه وحده وهمه ميدرون وراه يكتشفون الموضوع يطلعوه من زرف الحايط يكولوم ناقص عليه وكل هاللغاوي وميصدكون انه جان عنده شغله مهمه ميصير يعرفوهه او انه نسى يكوللهم انه حجه بالتلفون
لك هاي شلون ورطه يالله
لو من تصير شغله وهمه ميدرون يحركون ابو ابو لازم يكول
يعني لازم متنسى ولازم كل اسرارك تنشره بالجريده حتى ميزعلون
هسه ديله فد تنكه
المهم والجزء الثاني من الموضوع والاخير وهوه الاهم
من الواحد منهم يصير شريف ويعوف جماعته علمود صاحبته
طبعا بله لو يحبهه هم بيه باب وجواب المشكله انه هوه اخو خيته ويدك بيهم
يعني من يدكون الباب يطلع اخوه الصغير يكول بالحمام لو نايم
هوه الاخ حاظن الارضي ودك تفجج طبعا
لو شباب اني باجر ماكدر اجي وياكم للطلعه وياكم بفلان مكان
يابه شكو خير
والله مو الوالد ميخليني اطلع لان داروح وياه لبيت خالتي
طبعا هوه جذب اصلا ابوه يكره بيت خالته تلكاه متواعد ويخاف يحجي لا واحد من الولد يكله صادقلي اختهه
وبالاخير هيه المواضيع هاي شخصيه مال العلاقات ويه البنات بس مهما يصير محلوه واحد يبع جماعته علمود بنيه
وفوك كل هاي شوفو
اني مليون مره واكف لناس اعرفهم ومضحي بسعادتي علمودهم وماريد احجي
بس همه اخخخخخخخ ولاعبالك
بالاخير يجي فد واحد يكلي ناقص تعوفنه علمود نورهان؟؟؟؟
تقبلوهه بشرفكم؟

ماسمحلكم تحجون عالحب مالتي هع هع

لا ابو القسوم هاي الامور غالبا تحدث لان هذا اللي تقصده زعطوط وقشمر وبالاخير راح يعرف اوادمه

ولازم الكل تتصارح متظل تضمضم لان هذا شي يتراكم وتصيرون كلكم منغوليه بالاخير منين نلقح بيكم ابر كل واحد مجلب طفل لابس حفاضه بخشمه
وشكرا :: رئيس الجمهورية الله يخليني الكم