كلــــــــــبي على وطـــــــــــــــني

من طرف **ToFe** الأربعاء يناير 10, 2007 4:54 pm

السلام عليكم اعزائي اعضاء المنتدى احب اهدي هذه القصيدة الاكثر من رائعة للشاعر الكبير عريان السيد خلف الى وطني العراق

كلبي على وطني

يا وطني الموشوم بالقنابل
يا وطن الاشجار والانهار والجداول
يا وطن الاديان والايمان والتساهل
يا وطن الاشعار والاصرار والتفاؤل
يا وطن الايتام والارامل
يا وطني المقتول والمقاتل!!!!

انزف صبر يا وطن ....بية الك مية جرح
كلما ايهيد الالم بجروحي اذر الملح
افديك يا وطني لو مية مرة انذبح
واشرب نخب هيبتك من المسا للصبح
مثلك محب ما الي ومثلك جرح ما يصح
يا رمح ابضماير لا خطة ولا صابني
كلبي على وطني
كلبي على وطني وي رشفة الفنجان
وبكل تحية صبح من حايط الجيران
لو ما انت يا حيرتي ما كان كل مكان
من غير ارض واهل ما قيمة للانسان؟!!
بس يا خسارة الاهل
من حط رحالة الجمل
وياك علو الجبال
ولا رخص علج اجنبي تتخضع وتنحني
كلبي على وطني
كلبي على وطني وي كل سحابة تفوت
وعن كل بطل ما بخل فوك التراب ايموت
وعن كل دمعة من يشع عالخد يكع بسكوت
وعن كل كمر لو ظهر.. وبحزن روحي انتحر
وطير فوك الشجر
الماي من ينغلي من لوعتة ايغني
انة انجوي بطيبتي وكل حي طلع مني
كلبي على وطني...
اهواك يا موطني لو جنتك نار.........
وانزفلك الدم شعر واهديلك اشعاري.........
كل يوم نكعد سوة واحجيلك اسراري
تفكدني من ابتعد وتزورني بداري
وابجيلك ابلا دمع واشرحلك الجاري
معذور من سرني
ومعذور من لامني
كلبي على وطني
كلبي على وطني الكل عمري جان الاهم
اسكيه ابمي دمعتي ويسكيني كاس الندم
انطيتة حلم العمر وانطاني جنة وهم
واني مثل هالبشر روح...ودم....ولحم
وما ضعف حبي الة
ولا غيرت مسكني
كلبي على وطني
بالحرب شلتك نبض من ساتر لساتر
وشربتك ابخوذتي من حبك الطاهر
تغفة على سبابتي ويبقة الكلب ساهر
ومن ضاك بيك الوكت انطيتك اخواني
كلما تذُبل كمر تطلب كمر ثاني
لا جيت عزيتني ولا شاركت حزني
اشكيك يا منيتي لو تشتكي مني
كلبي على وطني
كلبي على وطني كلما تدك صافرة
وكلما قذيفة غدر تنطلق من طائرة
وعن كل طفل منذهل وعن نظرتة الحايرة
وكل قنبلة لو اجت لارضك اتفجرت
اتفجر الحالتي وبجفوفك اتناثر
احزانة صوغتك وايامنة امكابر
وبس الحزن والالم من شجرتك ينجني
كلبي على وطني
كلبي على وطني وباجر يرشني الفرح
تحت السمة الحالمة واضحك ابكل مرح
انسة الجرح والالم واحرك اوراق الندم
ومعذور ذاك الوكت لو بية ضحك سني
كلبي على وطني
king

توووووووووفي العراقي

من طرف **Sumeri** الأربعاء يناير 10, 2007 5:02 pm

اي هاي القصائد مو ضايج يكتبلي مسج

تسلم حبيبي توفي وردة مال الله

كلــــــــــبي على وطـــــــــــــــني

كلــــــــــبي على وطـــــــــــــــني

رد: كلــــــــــبي على وطـــــــــــــــني