يمه كرصتني عكربه

طبعا راح تسالوني شنو يمه كرصتني عكربه تره مو اغنيه مال حسام ولاشي بس هيه كلمات اجتي ببالي اول ماتذكرت الموقف
طبعا انتو اول ناس حتعرفون لان انتو همين اكيد كارصتكم العكربه
خل اسولفلكم عالموقف حتى تفهمون الموضوع زين وطبعا لازم ارجع بذكرياتي ليوره شويه حتى اكدر احط الميز كدامي لان امي صبت عشى
المهم تبدئ الحكايه لمن صاحبنه الحديقه ديفجج ويه صاحبته وماشاء الله سوالف عاويه مال تالي الليل وماكو شي
شو على غفله صارت نبره صوتهه تختلف(طبعا هيه غيرتهه متعمده) وجان تكله حبيبيل شلون هسه؟
شنو شلون هسه هوه اني شفتهمت منه؟
فخطيه سوت روحه غشيمه وماكو شي هيه هب بياض على كوله صاحبنه مريم العذراء صارت
جان تكول اكلك حبيبي هسه شلون انته لازم تجي تشوف اهلي؟؟
اخ اهلج شنو
اي طبعا لان امي عرفت بعلاقتنه ولازم نرتبط لان امر واقع هذا واني ماتحمل فضيحه؟؟
يافضيحه عبالك اني خليته تقفد عذريتهه
المهم هيه تريد توصل انه تعال اخطبني ومن هالملاعيب تره اكو ولد ديخطبوني واني مكنسلتهم علمودك ومن هالحجي؟؟
طبعا هنا بين الموضوع الاخت تريده يجي يتعكل ويتزوجهه لان مو مال تضل وياه هيج وماكو قشمر ديكلبهه بس هوه وتريد تجلب بيه
لك هاي شلون فقره محلوه والحل شلون؟
زين هوه الولد ميكدر يرتبط حتى لو يريد ميكدر لان احدق منه ماكو بهالكوكب
وهيه تعرف انه حديقه بس تستغله فقره انه ديخطبوني حتى هوه يخاف ويروح يحجي ويه اهله بسرعه ؟؟يابه شكد درب عتيك
علعموم هوه همين اخذهه على كد عقله وكلله الله كريم
وره اسبوع همين نفس الموال
لك هاي شلون شغله
اخر شي شو السالفه صارت طوخ فد مره واخونه محدق لازم يلكه حل
فكالهه يابه تره اني راح اسافر ومن اجي الله كريم حتى لاتظل هيه تنتظر
وشكد حلو اول ماسافر الولد هيه علسته بس اول ايام تلفونات ومن هالكلاوات
وراهه ماكو هالحجي كله
شكد عيب
طبعا هاي شكد حلو والولد رجع علمودهه من السفر حتى يشوفهه
وهمين ماكو فايده فلاحياه لمن تنادي
وهيه دكت الناقصه بعد ولاحب ولاكراوي تعبانه مجر واحد تريده يخطبهه ومن شافته ميكدر مانتظرته وطكتله ببسي
فوك القهر حار لان ماكو كهرباء

هسه عرفتو ليش كرصتني عكربه؟؟؟؟؟؟؟؟؟