يوميات حدايق (الحلقه الثانيه)

ونعود الان الى الشوط الثاني من حلقه اليوم ونشاهد نزول اللاعب بطرون بدال اللاعب يوووو
لكم خل اسولف الحلقه الخ
طبعا احنه ماعدنه غير صاحبنه الحديقه ونرجع لسالفته
ديربالك من ترجع اكو تنكه مال زبل مو تدعمه
طبعا على ذكر الدعمه.........يكلك فد يوم صاحبنه الحديقه هم كالعاده طالع للمدرسعه ساعه 9ونص ومحشش وبيده الجكاره بالكوه ديسوق
وفوك القهر اخوه يمه وبس يدردم من الصباحيات سوق عدل ولوف يمنه وارجع يسره
طبعا هوه مدوخن صاحبه ومن وره اللغوه مال اخوه ضرب الرصيف الي يم الترفك لايت الي يم ريحانه
عادي هوه همين دان صافن على حاته صاعده ويه بابا بالسوبر
يله مو مشكله هيه دعمه صغيرونه....
ويوصل الاسد صديقنه للمدرسه متأخر ويلكه استاذ رعد قافل الباب فهوه لازم يطفر من السياج
لك هاي شلون سالفه عوجه مو متواعد ويه ام عيون وره الطلعه مال بدر لازم يروحله وممعقوله تتصوخ ملابسه
يله عادي هوه قرد ومتعود يطفر سياجات يدبرهه
ويطب للمدرسه مثل الحرامي ويستقبلوه الطلاب بالهلاهل والاغاني والتصفيق لان حضرته شرف للمدرسه
وخطيه استاذ احمد واستاذ كاظم يلعبون جوبي احتفالا بالمناسبه
طبعا لان هوه مداوم الاخ اول مره
واكيد المدير ديوزع جكليت عالطلاب همين وديوزع مكافئات لكل طالب درسين هروب
اخ خوش مكرمه
المهم عيني اول ميفوت للدرس الثاني(لان هوه مضيع الدرس الاول)فيكابل استاذ صلاح الحقنه
وتبدي القوانه
ليش غايب بابا صارلك شهر؟؟
ابني انته ليش متنفصل شنو تدفع فلوس للمعاون؟؟
وبعدين انته شنو لابس قميص احمر؟؟
اخر شي يكله وين دفترك وكتابك يكله ماكو؟.
ابني كوم اطلع بره وكالاسد يطلع اخونه
طبعا الاستاذ يضوج يكول وين بره لا خل انطيك خوش عقوبه ابني انته تروح للمدير هسه ويه المراقب
طبعا المراقب ناقص لازم يودي صاحبنه للمدير لان صاحبنه مصادق اخته وهوه يمكن حاس عليهم
المهم يفوت للمدير
اول ميفوت يكوم الاستاذ هله عيني هله اغاتي استريح ابني
طبعا اول سؤال
ابني وين جنت؟؟
والله ابني ضل بالي عليك عبالي ميت لو شي لان صارلي شهرين مشايفك؟
الاخ يغلس يكله والله استاذ جنت مريض وراهه سافرت للشمال وبعدين من رجعت خطفوني واخر شي هسه طلعت واجيتكم ركض
طبعا المدير شلون زوج راح يصدك؟
ابني اطلع بره انته مفصول وماريدك هنا
وصاحبنه يكيف يريدهه من الله يروح يطلع من السياج ويشغل السياره لان ذابهه عالرصيف بباب المدرسه وياخذ اللمه مال عفطيه ويروحون على بدر
الله شكد حلو يروحون على بدر يفترون عالفرج وعالكه دك دموريات مال شرطه عبالك رايحين يقاتلون مو رايحين علمود البنات
المهم
وهناك عيني يجيك صاحبنه ابن زيونه بنص الهوسه صافن الاخ ويدعمه لصاحبنه من وره عباله عربانه مال ابو التبديل
لان ابن زيونه اختصاصه يدعم عرباين
الله شكد حلوه الحياه؟؟؟
فاني اكمللكم القصه بعدين لان نعست
ونشوفكم بحلقه لخ من برنامج هيا بنا نلعب

بيباي

هههههههههههههههههههه بس شلون دعمه دعمتك بيومهه هههههههههههههههههههه جنت مطفي هههههههههههههه لو هاي من دعمت الرصيف ههههههههههههههه مو دخل خشمهه بعيني من جنت دا اخذ حلك ههههههههههههههههههههههههههههههههههههههههههههههههههههه نيااااااااااااااااااااااااااااااااااااا

اي ذبها براس المكرود علساس هو يلغي هسه انت شلون شمايخر وتسوق كله باللمبركيني اصلا موزين جنت اخليك تسوق نيااااااااااه