عراق حبك فلا ينقاس

عراق وبالكلب حبك فلا ينقاس احبك بالحسين وعيسى بن مريم

انه ادري الحزن فات اعله كلبك داس يلكلبك رقيق وخاف يتثلم

حزنان اعله حزنك حته شاب الراس وخايف لا تمر ايام تتندم

انه اعرفك جبل والصخر دونك ساس معقوله بحزن ياجبل تتقسم!!

شجره وفاض فيك فاض فوك الناس تدك بيك الشمس وانه ادري تتألم

يلكلك حنان وطيبتك بحساس معقوله انته تعره وجارك مهندم !!

اليراهن عليك اتصير كومه اجناس مو طبع الاسد بالغابه يستسلم

يبقه اسمك علم والنجف بيدك فاس الارض لو ذكر حيدر فات تتهشم

يكرار المحن يالغيرتك نبراس انولينه واليهودي بكاعنه يثلم

شرب من ماي الفرات الطهره العباس دصحه يا عراق وكافي تتلعثم

دشك ثوب الحزن وبطل الوهواس وانصب للحزن في داخلك مأتم

وانصب للحزن في داخلك مأتم