شعر لكل العايشين بالغربة

الى الذين يتذوقون لوعات الغربة اتمنى ان تخفف عنكم ولو اعرف ان الكلام لا يعوض الوطن لكن يحرك المشاعر. اخوكم الصياد الوسيم

هونج علي ياغربتي........... وكافي
لو شفتي بية لحم... وتكولين متعافي
رباني هذا الوطن وخيرة ملة اكتافي
تريدين وبضيكتي... تزيدين اجتافي

مغصوب عفتة ترة غركان هو بدم
لا ينفع ارجع بعد ولا ينفع بعد اندم
دنسوه ولد الزنى وكملو عليه العجم
تريدين وبضيكتي تزيدين اجتافي

افيش يا تربتك......... يا مايك الدافي
مشتاك بس شوفتك تسوة العمر صافي
بعيونة ضوة الكمر. هسة الكمر طافي
وتريدين وبضيكتي.... تزيدين اجتافي

ردت احكي عن وحشتك بس ما لكيت اصحاب
بالغربة يا موطني............ محد يدك الباب
نشفت كل الدمع............ ونتلفت الاعصاب
وتريدين وبضيكتي............ تزيدين اجتافي

دومة يغطي الي برد هسة كصر الحافي
بردان بغربتك..... وين الكة دفو الغافي
ما اكدر اصبر بعد لارجع ركض حافي
لارجع ركض حافي