شكم ابوذيه عل جرح

من طرف **راعي الخيمة** الخميس يناير 11, 2007 2:32 am

يروحي لليودج حيل ودية
وألة مني جثير الشوك ودية
علي واجب لزوم اكضيه ودية
الك يلي كثر فضلك علية

أريد اسأل شعركم كيف ؟ وين صار
أشو كله مناحة وحزن اوون صار
تعالو انصير جوكة فرح وانصار
نبرد الكَلب من ناره السرية

يلايم لو يفيد الوم صكيـــت
وفتحلك كَـلب مايوم صكيت
حبك جن بنك يـزين صكيـت
الف دولار ولخـــــــــرده بديه

وحق اسمك وحق رمشك***وعينك
اذا تحتاجني احضرلك**وعينك
يالتمنيتك اطحينه **وعينك
ومثل ما ريد اكلبك بين اديه

حبيبي دوم انا ازورك وجيلك
اللك فدوه شلع جيلي .. وجيلك
ابميزان الذهب قستك وجيِلك
طلع وزنك ذهب ... وراح من اديه

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

على خدي نزل دمعي ونشفه
دحط ايدك على كلبي وانا اشفه
اذا منك تجي شفه وانا شفه
نموت اثنينه بالحب سويه

ايامي شلون اخلصهن واعدهن ا
لبنات اليوم ما يوفن وعدهن
عدنة الوفة يا صاحب وعدهن
هجر للمحب غدران واذية

احب كل يوم اشوفك و اشتمنك
واذا تبعد اسبك و اشتمنك
اسألني شراد گلبي و اشتمنك
بوسط عيني فلا تبعد علية

زماني وية الالم وياي ميعود
حبيبي الراح ابد والله ميعود
الحزن انوب يريد يعود ميعود
مبلل ترة وما خاف لو تمطر عليه

من طرف **ToFe** الخميس يناير 11, 2007 7:11 am

عاشت الايادي

شكم ابوذيه عل جرح

شكم ابوذيه عل جرح

رد: شكم ابوذيه عل جرح