قصه حبيبين

اذهب الى الأسفل

default قصه حبيبين

مُساهمة من طرف ابن زيون في الإثنين يناير 15, 2007 2:31 pm

السلام عليكم ورحمه الله وبركاته ولو صاير خوش ولد اني اليوم او متدين بس راح اطرح موضوع جدأ موضوعي او هلكد ما مموضوعي هذه الموضوع او ميصرف للبنات مراح يعجبهم ف رجاءأ الي ميعرف يحجي خلي ليعلق تعليق ما بيه خض طبعأ حشه الي ميعرفون يحجون : موضوعي اليوم محد يعرفه بس المقربين الي راح يعرفون اني المن اقصد : راح اطرحلكم اليوم معاناه عاناهه شاب جدأ عزيز عليه او هلكد ما عزيز عليه كرهته المهم هاي كلهه مقدمه لعد الموضوع شكد راح يصير او اني هسه دا اكتب او مدا اعرف وره هاي الكلمه شراح اكتب الي وراهه : شاب من هلشباب الطيبه عنده فد قصه صارتله هوه او بنيه حبهه اول شي راح انطيكم خلفيه لهذه الشاب قبل ما ادخل بالموضوع هذه الصديق العزيز وره العلاقات الفاشله الي دخلهه او العلاقات الي ما الهه داعي او لازم او يطلع من وحده فاشله يدخل بأفشل منهه بعد ما تعرف عله هوايه بنات او وحده وره وحده او كل وحده تنشف دمه او فلوسه من وره الكارتات او البانزين من وره الفر عله الوحدات الي عرفهن حته والله يتباهون بيه انو والله حبيبي عنده فلان سياره حبيبي يلبس احسن من حبيبج حبيبي (طاك) او هيه متدري هوه ه علما اشتره السياره شصار بيه او متدري علما لبس الهدوم شكد ضل يكدر لان ميعجبه شي ههههه المهم هذه الشاب كال راح ابطل علاقات او اكعد راحه لان انهجم بيتي (من وره المصرف او حركان الدم ) شاف وحده عجبته او حلف اذا صادقهه الهاي البنيه راح يعوف كل الي عرفهن او يعوف كل الي راسم عليهن ان يصادقهن (مجرد ان تبرد الدوده مالته او ميدري هاي الي حيصادقهه هم راح تطيح حضه اكثر من ما هوه طايح) كال اذا صادقت هاي اترك كلشي او اصير مخلص الهه او ما اجذب او احجيلهه كلشي من البدايه حته هوه يصفي نيته او هيه هم تصفي نيتهه وياه افتر عليهه طبعأ هاي العلاقه دا احجيلكم بالعراق ( انشالله الله يفك شدته) شافهه اول مره او قفل عليهه بالسووك لان ما اريد اذكر المكان لحكهه من البدايه لان لو هيه متريد مجان جرته وراهه بنضراتهه الي خبلنه او خلنه يصير مثل خيالهه يمشي وراهه اول ماره ما رهمت كال ياله هيه قسمه او حالهه حال الي طفرن ! هذه الولد كل يوم يروح النفس المكان من قبل او شاف هاي جلب كام حته الجمعه يروح يكول بالكت تجي او تصدف شوفو بعده ممتعلق بأي امل مجرد الصدفه والله جتي اله الصدفه او شاف البنيه هم لحكهه مثل الجلب او صار مثل خيالهه المهم بعد التأشيرات او بعد ما حرج نفسه كدام الناس او كام يأشرلهه هيه مقبلت بس صديقتهه كامت دتروح تشتري ( اضيف انو همه جانو كاعدين بالمطعم) كامت صديقتهه هوه من حركه روحه كام اوحط الرقم بأيد صديقتهه بهلحضه طفت الكهرباء بالمطعم صارتله جرأه حط الرقم بأيد صديقتهه او كال الصديقتهه هذه الرقم الصديقتج شوف يعني هوه لو بس الله مفتح عيونه جان اختار صديقتهه او مجان الله طيح حضه بكد ما هوه طايح حضه لان صراحه صديقتهه طلعت ادميه اكثر منهه كال الصديقتهه هذه الرقم الصديقتج من فرحته المطي انهزم من المكان او اصلا طلع من السووك او راح وين ( راح الصاج الريف عزم كل جماعته او طلع الحساب عليه دفتر او نص ) المهم مرت الايام او الينه حالهه حال البنات باعت ثكل او مخابرت بعد الثكل وصلي رقم اختهه لان خابرو بس ترددو او سدوه وره فتره كال الولد خلي اني هم ما اخابر حته لا عبالهه اني ميت عليههه (هوه ميدري راح ينعمي عله عينه او يحبهه) مستحمل الولد او هاجت الدوده عده خابر من غير تلفون لان اذا خابر من تلفونه مراح يشيلنه هنه لان تدرون تفياك منهن طلعت اختهه كالتله شتريد انت منو كللهه ما اريد شي بس اريد احجي وياج او افهميني لانن انتي شايفتني او تعرفيني هوهه عبالههه ديحجي وياهه المهم اتفقو ساعه ثمانيه العصر يخابرهه الولد مثل كل يوم الجدول مالته يروح للمكان الي هوه شافهه بيه لان حب السوك اكثر من قبل جتي ساعه ثمانيه حط كارت جديد هاي اول تكفيشه طبعأ حط الكارت طلع الرقم ديخابر جان يشوفهن كدامه الولد تخبل هيه بيومهه جانت طالعه تشك عبرن الشارع البنات خابر الولد او هوه واكف يم البارك او هنه عبر الشارع خابر طلعت اختهه كلتله شتريد كللهه اريد احجي ويه البنيه ام الاسود مو انتي كلتله شلون عرفت كللهه اني واكف كدامكم المهم هنه كامن وحده تتطوطح باللخ شراح يكولن المهم لزمت البنيه التلفون حجه ويهه او جانت اول مره بحياته يحجي وياهه هوه ادولغ من الصوت او طريقه الكلام او هيه بين عليهه اول مره الهه المهم كلتله اني ما افيدك اني راح اسافر اني ما اريد احبك او اتعلق بيك الولد هلكد ما غبي كللهه ميخالف اني اقبل هاج هذه ايميلي او رقمي يمج لو تروحين النهايه الدنيه اخابرج او الحكج ولو هيه هسه بنهايه الدنيه صدك او بدوله اوربيه او اصلا ميكدر يوصللهه لان مجان يدري السالفه صدك كلتله خوش مو مشكله دخلت البنيه النفس المطعم دكتله مسكول او هوه خابرهه مثل المطي هم نفس الاسطوانه ما افيدك او اني اسافر او اني ما اريد اتعلق او شمدريني انته ما عندك علاقات طبعأ الولد لازم يكذب خوما يكوللهه اني هم عندي وحده شاكه حلكي مثل ما انتي راح تشكين حلكي او تخليني اسكر اتضح الولد جان ديحجي ويه البنيه الي انطاهه الرقم بس هلحجي من دخل المطعم مجان يدري هوه ويامن ديحجي المهم الضاهر البنيه الي راح يصادقهه كالت الص\يقتهه هاج احجي وياه اشحتيه المهم الولد كام يتوسل مثل الغبي او يسحل بروحه البنيه صديقتهه هلكد ما انقهرت عليه كلتلهه احجي وياه مبين عليه خوش ولد حجت وياه الولد او هوه يحجي وياهه بالتلفون واكف كدامهه نزلت للحديقه مال مطعم دتحجي وياه او هيه عله بعد امتار منه مراد الولد يكولهه يابه تره اني حديقه او ماعندي رصيد كللهه خلي امشي وياج ليجوه ببدال ما انتي واكفه كدامي او دا احجي وياج المهم البنيه جانت خايفه منه او عبالهه هوه ابن شوارع او اذا مشه وياهه يمكن يغتصبهه او يعضهه او يسوي بيهه جرب بعد ما اتوسل بيهه او بعد ما طاح حضه او لابس احسن لبس هيه الاخت بعدهه ممأمنه بيه المهم هم اخذ منهه حجايه انو اليوم بالليل اخابرك الولد طار من الفرح او مثل الومايل هم راح عزم جماعته او جماعته العفطيه مستفادين من وراهه هم نفس الشي بس مو الصاج الريف وداهم عزمهم نراكيل عله حسابه رجع الولد للبيت او حضن الارضي او دخل اهله انذال بالبيت اليوم محد يلزم الارضي لان يريد يفجج وياهه بالتلفون المهم تخابرو او حجه وياهه او صار اعجاب بيناتهم او تشاوفو بعد او طلعو طلعه تعبانه خطيه صديقتهه تراقب الهه لتجي امهه او هيه واكفه وياه او هوه فرحان او الولد كلهه تحسده ((((يتبع)))))

ابن زيون
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى