صوت البلابل.......ويص ويص

من طرف **ضايج** الجمعة يناير 12, 2007 8:34 pm

[center][color=blue]صوت البلابل[/center]

على صوت البلابل ..

[center]تگعد الناس ..
وآني اگعد ..
على صوت القنابل ..
واذا هالناس تسمع صوت فيروز ..
آنه الصبح ..
اسمع صوت داخل ..
ونين من الصبح ..
حد مايجي الليل ..
ويعذبني الزمن ..
بس آني قابل ..
واذا تسألني ..
ليش الون والهموم ..
وليش ابداخلك ..
ماظل تفاؤل ..
اگلك ..
گمطتني امي بالاحزان ..
ورضعت اهموم وكتي وآني جاهل ..
وين بيا مدينه الروح ترتاح ..؟
اذا بالناس ماظل كل تساهل ..
واذا صاير بريء ..
اليقتل الناس ..
گلي بيا محاكم ..
تلگي قاتل ..؟
ومتنازل ابو الحق ..
كلشي ميريد ..
فوگ الحق صبح ..
ينطي التنازل !!
باگو حتى اسمك ..
وانت ممنون ..
لأن ما تلگه ..
بالباگوك عاقل ..
وبعد تسألني ..
ليش الون والهموم ..
لأن طبعي صريح .. وما اجامل ..
گبل چان اليسامح .. طيب ايكون ..
هسه اللي يسامح ..
هو عايل ..

احس بغداد صارت ماهي بغداد ..
ظلمة ..
وما تضويهه المشاعل ..
على الحيطان ..
كلشي تشوف .. واشكال ..
تهديد ..
ومطاليب ..
ومسائل ..
وعلى بغدادنه تنوح الحمامات ..
وتبچي اگبال خضرتهه المناجل ..
عفيه اشگد خلگ .. للموت ويشيل ..؟
على نعشك يموت اشكثر شايل ..؟
الصبح تغبش اهموم ..
وشايله اهموم ..
وترد امحمله ..
بالهم والمشاكل ..
ونتبارك لمن نوصل سلامات ..
لأن واحدنه يم الموت نازل ..
ننام ونقره الف ( ياسين ) بالبيت ..
[color:d4c5=black:d4c5]ويگعدنه الصبح صوت القنابل ..

مع تحيات اخوكم ........ضايج.

صوت البلابل.......ويص ويص 51054129

من طرف **راعي الخيمة** الجمعة يناير 12, 2007 9:57 pm

يابه عاشت ايدك عمي ندري مخموطه بس خمطه مرتبه ههههههههههههههه تقبلها برووووووووووووح و تعال ( لا بروح رياضية )

محدثكم من ارض الحدث
الراعي الرسمي لمنتجات الخيمة .