الحنين بكلبي الك

اذهب الى الأسفل

default الحنين بكلبي الك

مُساهمة من طرف العراب في الجمعة أبريل 20, 2007 12:46 am

الحنين بكلبي الك
كلي عني شبدلك
طبعا من الصبح ضارب صفنه على روحي وداسمع هالاغنيه مال هيثم يوسف الي كلش احبه
حاير وين اولي لان حديقه وماعرف لون راح تكظى
وبهالاثناء اخذتني صفنه ورجعت بذكرياتي ليوره
اخ الله راسي كسرت الباب مال كنتور من دارجع
المهم فاول شغله اجتي ببالي ايام العطله مال مدارس همين من نكعد من النوم حدايق منعرف شنسوي من الكابه
وهيج على حين غره ويظهر فارس من بعيد راكبا حمارهه الوحشي
ياحمار وحشي؟؟؟؟ هاي شنو سكرنه هاي صديقي واعل واكف بباب البيت يريدني
لان اكوو لعبه بالمنتزه
طبعا اني والمنتزه مترابطين من الطفوله لان اني اصلا حديقه والفرع يرجع للاصل مو؟
طبعا اني مابيه حيل العب طوبه فازحلك وائل وافرهه عليه اكله حبي غلس عاللعبه امشي نروح يم عليوي وبنبوني حتى نفتر احسنلنه
طبعا كالاسد هوه ينطلق للبيت يبدل ويجيني بكامل طلته البهيه
ونروح يم الولد
سوالف وضحك لحد تالي الليل
وهيج واحنه جالسين نتأمل الطبيعه بالركن مال بيت مظلوم واني تصعد الغيره على غفله لان
تذكرت سالفه انه متعارك ويه اخو صاحبتي(سابقا) يعني من زمان كلش
طبعا اني همين كرندايزر وادورهه دواره العركه علساس فد تنكه
طبعا الله يستر على سعد الكردي؟؟
واروح اسج لحد بيتهم وادك الجرس تطلعلي صاحبتي خطيه وجهه اصفر عبالك كركم
كركم لو نصكم ههه
المهم اكوله يله لج صيحي اخوج
(طبعا الحجي بيناتنه اذا يطلعلي يهفني راشدي يدندل حواجبي لان يطبك اثنين مني بالقياس
بس اني لان اعرفه فارغ اروح ادوره بلاوي وياه)المهم
هيه هم متجذب خبر عبالك بس تريد عركه وتتفرج عليه تروح تصيح اخوهه النشمي
طبعا هوه طالعلي باللباس والفانيله تكول فلم مصري
(بس يبقى يصيح اخوه يله يادسوئي
هات الكشري ؟؟حتى تكمل) المهم اني اول مشفته كلت يمه انلاصت راح انكتل لان مطلع وحده طلعت وياه امه واخوه(بس مو دسوئي)دسوئي عدل مو راح تدعمينه
وابوهم العتوي ابن العتوي خاتل من الشباك مال مطبخ يباوع
اول مطلع الولد كلي ها منو انته
(انته لوشعير)
كتله هاي شبيك معرفتني اني وبا ههههههههه
لاجذب كتله اني _________كلي ها معرفتك وشتريد
كتله شنو اني مصادق اختك وانته تجي تضايقنه
طبعا جذب هوه اني ردت افلت للبيت من الخوف
كتله اني اريد اعرف انته ليش حاجي عليه(يعني فوك ما اني مصادق اخته اروح عليه اكله ليش حاجي عليه)
هوه شو طلع بعيوي كلشي مسوالي كلي اني محاجي عليك اني ماعرفك ومن هالكلاوات اني همين ردتهه من الله حتى لااكلبهه عركه لان بس اتلاطم وياه المنطقه مالتهم كلهم يجون يدكوني وياه
وماحجيلكم
بوكتهه شيصير
الناس كلهه تلتم عليه بساعتهه
والنسوان تهلهل والرياجيل يدكون عليه بالصوندات وحتى الجهال
يجون يسوولي اشياء مال ادبسزيه ويركضون
اخر شي استيقظ من الغيبوبه الكى نفسي ملقى على ظهري في دوره مياه عموميه
او ملابسي منكعه(هاي اذا باقيه بيه ملابس)
بس الحمد الله مصرت بهيج موقف
واخيرا اني وياه خلصنه حجي واتصالحنه وخطيه بروح رياضيه عاليه راح دز اخوه الصغير(دسوئي)جابلنه مي بارد وكله مع السلامه من رحت والناس ودعوني بالصفكات والهلاهل وابوهه جلب اله تتعشى عدنه كتله لاعمو اعذرني ورانه كعده مال سكر ماكدر اكل هسه حتى لاازوع بعدين(شنو هالجذب يعني هيج اخوف اني)
وبهاي الاثناء خطيه الولد دينتظروني يم البيت وديبجون عالرصيف
المسكين عليوي ناصبلي جادر وبنوني يوزع كهوه عالعالم الي بالفاتحه وخطيه جايبين نسوان يبجون حتى يسوون منظر من مناظر الحزن عليه
يعني لو متأخر عليهم خمس دقايق لخ جان عبالهم استشهدت
بس همزين لحكت عليهم جانو واصلين للجزائات
ماحجيلكم اني من يومهه عنترت على اخو صاحبتي
طبعا هاي كله صارت سوالف عتيكه وتوبنه بعد منهه وصارت ذكريات
ذكريات تلعب بينه
وتاخذنه وتودينه
(شنو جهال تلعب بينه وتودينه لو منندل)
يله لاتلحون طولت اني عليكم بس حبيت اتذكر وياكم وحده من ذكرياتنه العاويه
وشكرا لاصغائكم وتابعونه على قناه المستقله
الويل لي الويل لي يامستقله
صرت كاظم اني
يله باي

_________________
avatar
العراب
مشرف منتدى الاغاني
مشرف منتدى الاغاني

عدد الرسائل : 43
تاريخ التسجيل : 11/01/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى